മലപ്പുറം: പ്ലസ്ടു സീറ്റുകള്‍ സ്വകാര്യ എന്‍ട്രന്‍സ് സ്ഥാപനങ്ങള്‍ക്ക് കച്ചവടം ചെയ്യുന്നുവെന്നാരോപിച്ച് എസ്.എഫ്.ഐ ജില്ലാ കമ്മിറ്റിയുടെ നേതൃത്വത്തില്‍ ഹയര്‍ സെക്കന്‍ഡറി മേഖല ഉപഡയറക്ടറുടെ കാര്യാലയം ഉപരോധിച്ചു.ഇന്നലെ ഉച്ചയ്ക്ക് പന്ത്രണ്ടോടെയാണ് സിവില്‍ സ്‌റ്റേഷനില്‍ പ്രവര്‍ത്തിക്കുന്ന ഓഫിസ് എസ്.എഫ്.ഐ പ്രവര്‍ത്തകര്‍ ഉപരോധിച്ചത്. ജില്ലാ സെക്രട്ടറി ശ്യാംപ്രസാദ് ഉദ്ഘാടനം ചെയ്തു. എ. ജോഷിദ് അധ്യക്ഷനായി. സി. വിപിന്‍, സക്കീര്‍, മുഹമ്മദ് ഫൈസല്‍ സംസാരിച്ചു.