സുല്‍ത്താന്‍ ബത്തേരി: സമസ്ത സുല്‍ത്താന്‍ ബത്തേരി താലൂക്ക് കമ്മിറ്റിയുടെ ആഭിമുഖ്യത്തില്‍ താലൂക്ക് മീലാദ് റാലിയും ശരീഅത്ത് സമ്മേളനവും നാളെ വൈകിട്ട് നാലിന് സുല്‍ത്താന്‍ ബത്തേരിയില്‍ നടക്കും. സുല്‍ത്താന്‍ ബത്തേരി വലിയ ജുമാമസ്ജിദ് പരിസരത്ത് നിന്നും ആരംഭിക്കുന്ന റാലിയില്‍ താലൂക്കിലെ മുഴുവന്‍ മഹല്ല് നിവാസികളും പങ്കെടുക്കും. തുടര്‍ന്ന് സ്വതന്ത്ര മൈതാനിയില്‍ നടക്കുന്ന ശരീഅത്ത് സമ്മേളനം സമസ്ത ജില്ലാ പ്രസിഡന്റ് കെ.ടി ഹംസ മുസ്്‌ലിയാര്‍ ഉദ്ഘാടനം ചെയ്യും. അഡ്വ. മുഹമ്മദ് ഫൈസി മുഖ്യപ്രഭാഷണം നടത്തും. താലൂക്ക് പ്രസിഡന്റ് ഇ അബൂബക്കര്‍ ഫൈസി മണിച്ചിറ, ഇബ്‌റാഹീം ഫൈസി പേരാല്‍, ടി മുഹമ്മദ്, എന്‍.സി ഹുസൈന്‍ ഹാജി സംസാരിക്കും.