കല്‍പ്പറ്റ: സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സിലിന്റെ പ്രസിദ്ധീകരണങ്ങളായ സന്തുഷ്ട കുടുംബം, കുരുന്നുകള്‍, അല്‍മുഅല്ലിം എന്നിവയുടെ പ്രചാരണാര്‍ഥം ജംഇയ്യത്തുല്‍ മുഅല്ലിമീന്റെ ആഭിമുഖ്യത്തില്‍ നടത്തപ്പെടുന്ന പ്രസിദ്ധീകരണ പ്രചാരണ ക്യാംപയിന്‍ ഡിസംബര്‍ 30 വരെയുള്ള ദിവസങ്ങളില്‍ നടക്കും. ക്യാംപയിന്‍ വന്‍ വിജയമാക്കാന്‍ ജംഇയ്യത്തുല്‍ മുഅല്ലിമീന്‍ ജില്ലാ കമ്മിറ്റി ആഹ്വാനം ചെയ്തു.
ഓരോ റെയ്ഞ്ചിലേയും മദ്‌റസ പരിഥിയില്‍ പരമാവധി വരിക്കാരെ ചേര്‍ക്കാന്‍ എല്ലാ മുഅല്ലിംകളും ശ്രദ്ധിക്കണമെന്ന് യോഗം ആവശ്യപ്പെട്ടു. എം.എം ഇമ്പിച്ചിക്കോയ മുസ്്‌ലിയാര്‍ അധ്യക്ഷനായി. എ അഷ്‌റഫ് ഫൈസി, എം.കെ ഇബ്‌റാഹീം മൗലവി, സൈനുല്‍ ആബിദ് ദാരിമി സംസാരിച്ചു.

.