മേപ്പാടി: പൂത്തകൊല്ലി എസ്റ്റേറ്റിലെ തൊഴിലാളികള്‍ക്ക് പിന്‍വലിച്ച 500, 1000 രൂപ നോട്ടുകള്‍ ശമ്പളമായി നല്‍കിയത് വിവാദത്തില്‍. ഇന്നലെയാണ് തൊഴിലാളികള്‍ക്ക് നവംബര്‍ മാസത്തെ ശമ്പളം നല്‍കിയത്. ഒരു തൊഴിലാളിക്ക് 7000 രൂപ എന്ന നിലക്ക് തോട്ടത്തിലെ മുഴുവന്‍ തൊഴിലാളികള്‍ക്കും പഴയ നോട്ടുകള്‍ തന്നെയാണ് നല്‍കിയത്. പഴയ നോട്ടുകള്‍ മാറ്റാന്‍ ബാങ്കുകളില്‍ ചെന്നപ്പോള്‍ പണത്തിന്റെ ഉറവിടവും ഇത്രകാലം മാറ്റാതിരുന്നതിന്റെ കാരണം ഉള്‍പ്പടെ ചോദ്യം ചെയ്യപ്പെട്ടു. തുടര്‍ന്ന് തൊഴിലാളികള്‍ കമ്പനിയുടെ ഓഫിസില്‍ പോയി പ്രതിഷേധിച്ചു. കഴിഞ്ഞ മാസത്തെ ശമ്പളവും പഴയ നോട്ടുകള്‍ തന്നെയാണ് വിതരണം ചെയ്തത്.