കൊച്ചി: ജില്ലാ പഞ്ചായത്തിന്റെ ആഭിമുഖ്യത്തില്‍ സംസ്ഥാന യുവജനക്ഷേമ ബോര്‍ഡിന്റെ സഹകരണത്തോടെ ജില്ലയിലെ തദ്ദേശസ്വയംഭരണ സ്ഥാപനങ്ങളെ പങ്കെടുപ്പിച്ച് നടത്തുന്ന കേരളോത്സവ(നാട്ടുത്സവം)ത്തിന് തുടക്കം. ഇന്നലെ ജില്ലാ പഞ്ചായത്ത് ഹാളില്‍ പ്രസിഡന്റ് ആശ സനിലിന്റെ അധ്യക്ഷതയില്‍ ചേര്‍ന്ന യോഗത്തില്‍ ജില്ലാ കലക്ടര്‍ മുഹമ്മദ് വൈ. സഫീറുള്ള ഉദ്ഘാടനം നിര്‍വഹിച്ചു.
കലാമത്സരങ്ങളുടെ ഉദ്ഘാടനം സിനിമാതാരം ഹണി റോസും നിര്‍വഹിച്ചു. ചോറ്റാനിക്കരയില്‍ രാവിലെ ഫുട്‌ബോള്‍ മത്‌സരം ഉദ്ഘാടനം അനൂപ് ജേക്കബ് എം എല്‍ എയും കുസാറ്റ് മൈതാനിയില്‍ അത്‌ലറ്റിക്, ക്രിക്കറ്റ് മത്‌സരങ്ങളുടെ ഉദ്ഘാടനം വി. കെ. ഇബ്രാഹിംകുഞ്ഞ് എം എല്‍ എയും നിര്‍വഹിച്ചു.
യോഗത്തില്‍ വൈസ്പ്രസിഡന്റ് അഡ്വ. അബ്ദുള്‍ മുത്തലിബ് സ്വാഗതം പറഞ്ഞു. തൃക്കാക്കര നഗരസഭാധ്യക്ഷ കെ. കെ. നീനു, ജില്ലാ പഞ്ചായത്തംഗങ്ങളായ ജാന്‍സി ജോര്‍ജ്, സി. കെ. അയ്യപ്പന്‍കുട്ടി, ഡോളി കുര്യാക്കോസ്, റസിയ റഹ്മത്ത്, മുന്‍ പ്രസിഡന്റ് പി. എസ്. ഷൈല, അഡ്വ. കെ. എന്‍. സുഗതന്‍ മറ്റ് ജനപ്രതിനിധികളും ജില്ലാ യുവജനക്ഷേമ ഓഫീസര്‍ പി. ആര്‍. ശ്രീകല, യൂത്ത് കോ ഓര്‍ഡിനേറ്റര്‍ കെ. ടി. അഖില്‍ദാസ് തുടങ്ങിയവരും പ്രസംഗിച്ചു. സെക്രട്ടറി കെ. കെ. അബ്ദുള്‍ റഷീദ് നന്ദി പറഞ്ഞു.