ചെന്നൈ: അണ്ണാ അന്താരാഷ്ട്ര വിമാനത്താവളത്തില്‍നിന്ന് 1.34 കോടി രൂപയുടെ പുതിയ നോട്ടുകള്‍ ഡിആര്‍ഐ സംഘം പിടിച്ചെടുത്തു.

നോട്ടുകളെല്ലാം രണ്ടായിരം രൂപയുടേതാണ്.

അഞ്ചു പേരടങ്ങിയ സംഘത്തില്‍നിന്നാണ് പണം പിടിച്ചെടുത്തത്. 7000 യുഎസ് ഡോളര്‍ വിദേശ കറന്‍സിയും ഇവരില്‍നിന്നു പിടിച്ചെടുത്തിട്ടുണ്ട്.

രാജ്യവ്യാപകമായി നടത്തുന്ന പരിശോധനയുടെ ഭാഗമായാണ് വിമാനത്താവളത്തിലും ഡിആര്‍ഐ പരിശോധന നടത്തിയത്.