ബര്‍ലിന്‍: ആക്രമണത്തെ തുടര്‍ന്ന് അടച്ച ക്രിസ്മസ് കമ്പോളം തുറന്നു.  വീണ്ടും ആക്രമണം നടന്നേക്കാമെന്നതിനാല്‍ പൊലിസ് സുരക്ഷ ശക്തമാക്കിയിട്ടുണ്ട്. ആക്രമണത്തിന് ഉപയോഗിച്ച ലോറിയില്‍ നിന്ന് അമീരിയുടേതെന്ന് സംശയിക്കുന്ന വിരലടയാളം അന്വേഷണ സംഘത്തിന് ലഭിച്ചിട്ടുണ്ട്. ഇത് അന്വേഷണത്തില്‍ നിര്‍ണായകമാവും. ലോറിയുടെ വാതിലില്‍ നിന്നാണ് വിരലടയാളം ലഭിച്ചത്.  ഇതേ ലോറിയില്‍നിന്ന് ഇയാളുടെ തിരിച്ചറിയല്‍ കാര്‍ഡ് നേരത്തേ ലഭിച്ചിരുന്നു.  ഭീകരാക്രമണത്തില്‍ പരുക്കേറ്റവരില്‍ 12 പേര്‍ ആശുപത്രിയില്‍ തുടരുന്നതായി ബര്‍ലിന്‍ സ്റ്റേറ്റ് ഹെല്‍ത്ത് മിനിസ്ട്രി അറിയിച്ചു.  ഇവരില്‍ പലരുടെയും നില അതീവ ഗുരുതരമാണ്. ഗുരുതരമല്ലാത്ത പരുക്കേറ്റവരെല്ലാം ആശുപത്രിവിട്ടു. കൊല്ലപ്പെട്ട 12 പേരില്‍ ആറ് ജര്‍മന്‍കാരും ഇസ്‌റാഈലില്‍ നിന്നുള്ള  ഒരു വിനോദസഞ്ചാരിയും ഉള്‍പ്പെടുമെന്ന് ആരോഗ്യ മന്ത്രാലയം വ്യക്തമാക്കി