പെരുമ്പാവൂര്‍: പുല്ലുവഴി ജയകേരളം ഹയര്‍ സെക്കന്‍ഡറി സ്‌കൂളിലെ അലുമിനി ആന്റ് റിട്ട. ടീച്ചേഴ്‌സ് അസോസിയേഷന്റെ വാര്‍ഷിക പൊതുയോഗം പ്രസിഡന്റ് കാവാട്ട് കെ.എം മത്തായിയുടെ അധ്യക്ഷതയില്‍ രായമംഗലം ഗ്രാമപഞ്ചായത്ത് പ്രസിഡന്റ് സൗമിനി ബാബു യോഗം ഉദ്ഘാടനം ചെയ്തു. യോഗത്തില്‍ സി പ്രഭാകരന്‍പിള്ള, കെ.ആര്‍ തങ്കപ്പന്‍, എസ് മനോജ്, വി.എം ഉണ്ണി, ഫാദര്‍ ജോസഫ് നങ്ങേലിമാലില്‍, അഡ്വ. ജോയി വെള്ളാഞ്ഞിയില്‍, സി.വി ജോര്‍ജ്, എസ് ജോതിഷ്‌കുമാര്‍, ജി ശ്രീകുമാര്‍, ഡോ. വിജയന്‍ നങ്ങേലില്‍, ആര്‍.എം രാമചന്ദ്രന്‍, ജി കൃഷ്ണ കുമാര്‍, സി രാജു, ശാരദ മോഹന്‍, ജോസ് കുര്യന്‍, കെ ഇന്ദിരാവതിയമ്മ എന്നിവര്‍ സംസാരിച്ചു. എല്ലാ വിഷയങ്ങള്‍ക്കും എ പ്ലസ് കരസ്ഥമാക്കിയ വിദ്യാര്‍ഥികള്‍ക്ക് ക്യാഷ് അവാര്‍ഡും പ്ലസ്ടുവിന് എല്ലാ വിഷയങ്ങള്‍ക്കും മുഴുവന്‍  മാര്‍ക്കും കരസ്ഥമാക്കിയ കിരന്‍ ജി. കൃഷ്ണന് മെമന്റോയും നല്‍കി.