പട്‌ന: പ്രധാനമന്ത്രി നരേന്ദ്ര മോദിയുടെ വാരാണസി പ്രസംഗത്തിന് മറുപടിയുമായി കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി.  തന്നെ പരിഹസിച്ചോളു എന്നാല്‍ താന്‍ ഉയര്‍ത്തിയ ചോദ്യങ്ങള്‍ക്ക് വ്യക്തമായി മറുപടി പറയുകയാണ് പ്രധാനമന്ത്രി ചെയ്യേണ്ടതെന്നും അദ്ദേഹം ആവശ്യപ്പെട്ടു. അധികാരത്തിലെത്തിയ ശേഷം മോദി എത്ര കള്ളപ്പണക്കാരെ അറസ്റ്റ് ചെയ്തിട്ടുണ്ടെന്നും രാഹുല്‍ ചോദിച്ചു.
ലളിത് മോദി, വിജയ് മല്യ എന്നിവരെ പിടിക്കാതെ അവരെ രക്ഷപ്പെടാനാണ് മോദി അനുവദിച്ചത്. രാജ്യത്ത് കര്‍ഷകര്‍ ആത്മഹത്യ ചെയ്യുകയാണ്.
ഇവരെക്കുറിച്ച് ഇന്നുവരെ അദ്ദേഹം ഒന്നും പ്രതികരിക്കാന്‍ തയാറായിട്ടില്ല. ഇത്തരത്തിലൊരു വ്യക്തിയാണ് ജനങ്ങളുടെ സംരക്ഷകനെന്ന് പറഞ്ഞ് രംഗത്തു വരുന്നതെന്നും രാഹുല്‍ കുറ്റപ്പെടുത്തി.