പാട്‌ന: സംസ്ഥാനത്ത് മദ്യം നിരോധിച്ചതോടെ റോഡപകടങ്ങളില്‍ പത്തു ശതമാനം കുറവുണ്ടായതായി ബിഹാര്‍ മുഖ്യമന്ത്രി നിതീഷ് കുമാര്‍. നിരോധനം ഏര്‍പ്പെടുത്തിയ ഏപ്രില്‍ ഒന്നുമുതല്‍ നവംബര്‍ 30 വരെയുള്ള കണക്കാണിത്. മദ്യനിരോധനത്തിന് മുമ്പ് റോഡപകടങ്ങള്‍ 31 ശതമാനമായിരുന്നുവെന്നും അദ്ദേഹം പറഞ്ഞു. സംസ്ഥാനത്ത് മദ്യനിരോധനം ഏര്‍പ്പെടുത്തിയതോടെ പാല്‍, മധുരപലഹാരങ്ങള്‍, വസ്ത്രങ്ങള്‍, ഫര്‍ണിച്ചര്‍ എന്നീ വിപണികളില്‍ കച്ചവടം വര്‍ധിച്ചിട്ടുണ്ട്.