ന്യൂഡല്‍ഹി: വാഹന പാര്‍ക്കിങിന് സ്ഥലമില്ലാത്തവര്‍ക്ക് വാഹനങ്ങള്‍ രജിസ്റ്റര്‍ ചെയ്തു നല്‍കില്ലെന്ന നിയമം ഭാവിയില്‍ നടപ്പിലാക്കുമെന്ന് കേന്ദ്ര മന്ത്രി വെങ്കയ്യ നായിഡു. ഡല്‍ഹിയില്‍ വാര്‍ത്താ സമ്മേളനത്തില്‍ സംസാരിക്കുകയായിരുന്നു അദ്ദേഹം.  
പാര്‍ക്കിങ് പ്രതിസന്ധി രൂക്ഷമായ സാഹചര്യത്തിലാണ് ഇത്തരത്തിലുള്ള ഒരു നിയമത്തെക്കുറിച്ച് ആലോചിക്കുന്നതെന്നും അദ്ദേഹം വ്യക്തമാക്കി.
ആവശ്യത്തിന് പാര്‍ക്കിങ് സ്ഥലമുണ്ടെങ്കില്‍ മാത്രമേ വാഹനങ്ങള്‍ രജിസ്റ്റര്‍ ചെയ്ത് നല്‍കുകയുള്ളൂ. വാഹനങ്ങള്‍ക്ക് അനുയോജ്യമായ പാര്‍ക്കിങ് സ്ഥലങ്ങള്‍ പല ഉടമകള്‍ക്കും ഇല്ല. പലരും റോഡരികിലാണ് പാര്‍ക്കിങ്ങിന് സ്ഥലം കണ്ടെത്തുന്നത്. വാഹനപ്പെരുപ്പത്തില്‍ ദുരിതമനുഭവിക്കുന്നതിനിടയില്‍ വലിയ പ്രതിസന്ധിയാണ് ഇത്തരം പാര്‍ക്കിങ് ഉണ്ടാക്കുന്നതെന്നും മന്ത്രി പറഞ്ഞു.