മുട്ടില്‍: ഡബ്ല്യു.എം.ഒയുടെ സുവര്‍ണ ജൂബിലി ആഘോഷങ്ങളുടെ ഭാഗമായി സുല്‍ത്താന്‍ ബത്തേരി ദാറുല്‍ ഉലൂം അറബിക് കോളജില്‍ ഈ മാസം 25ന് രാവിലെ ഒന്‍പത് മുതല്‍ തസവ്വുഫ് കോണ്‍ഫ്രന്‍സ് സംഘടിപ്പിക്കും. സമസ്ത ജനറല്‍ സെക്രട്ടറി പ്രൊഫ. കെ ആലികുട്ടി മുസ്‌ലിയാര്‍ ഉദ്ഘാടനം ചെയ്യും. സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍ അധ്യക്ഷനാവും. ഡബ്ല്യു.എം.ഒ ജന.സെക്രട്ടറി എം.എ മുഹമ്മദ് ജമാല്‍ സുവര്‍ണ ജൂബിലി സന്ദേശം നല്‍കും. കെ.കെ ഉമര്‍ ഫൈസി, അബൂബക്കര്‍ ഫൈസി മണിച്ചിറ സംസാരിക്കും. തസവ്വുഫ് സെഷനില്‍ ചെമ്മാട് ദാറുല്‍ ഹുദ ഇസ്‌ലാമിക് യൂനിവേഴ്‌സിറ്റി പ്രോ. വൈസ് ചാന്‍സ്‌ലര്‍ ഡോ. ബഹാവുദ്ദീന്‍ മുഹമ്മദ് നദ്‌വി കൂരിയാട് പ്രഭാഷണം നടത്തും. പി.പി അബ്ദുല്‍ ഖാദര്‍, എം.കെ അബൂബക്കര്‍ ഹാജി, പി.കെ അബൂബക്കര്‍ ഹാജി സംസാരിക്കും. പിണങ്ങോട് അബൂബക്കര്‍ പ്രിസീഡിയം നിയന്ത്രിക്കും. മൂന്നാം സെഷനില്‍ സി ഹംസ മേലാറ്റൂര്‍ പ്രഭാഷണം നടത്തും. ഡബ്ല്യു.എം.ഒ പ്രസിഡന്റ് കെ.കെ അഹ്മദ് ഹാജി, മുജീബ് തങ്ങള്‍ സംസാരിക്കും. തുടര്‍ന്ന് പണ്ഡിത സംഗമത്തില്‍ എം.എം ഇമ്പിച്ചിക്കോയ മുസ്‌ലിയാര്‍ അധ്യക്ഷനാവും. എസ് മുഹമ്മദ് ദാരിമി സംസാരിക്കും. അത്തിപ്പറ്റ ഉസ്താദ്, വാവാട് കുഞ്ഞിക്കോയ മുസ്‌ലിയാര്‍, ഹംസ ബാഫഖി തങ്ങള്‍, പാണക്കാട് ശഹീറലി ശിഹാബ് തങ്ങള്‍, ചേലക്കാട് മുഹമ്മദ് മുസ്‌ലിയാര്‍, കെ അഹമ്മദ് കുട്ടി ഫൈസി, വി മൂസക്കോയ മുസ്‌ലിയാര്‍, കാളാവ് സൈതലവി മുസ്‌ലിയാര്‍, എം ഹസന്‍ മുസ്‌ലിയാര്‍, ഇബ്‌റാഹീം ഫൈസി പേരാല്‍, ആനമങ്ങാട് അബൂബക്കര്‍ മുസ്‌ലിയാര്‍, ടി.സി അലി മുസ്‌ലിയാര്‍, ഇബ്‌റാഹീം ഫൈസി വാളാട്, കെ.സി മമ്മുട്ടി മുസ്‌ലിയാര്‍, ഹനീഫല്‍ ഫൈസി, സലീം മുസ്‌ലിയാര്‍, മുസ്തഫ ഫൈസി മീനങ്ങാടി, മുസ്തഫ ദാരിമി, ഉസ്മാന്‍ ഫൈസി, ഹനീഫ ബാഖവി, ഖാലിദ് ഫൈസി സംബന്ധിക്കും.