പള്ളുരുത്തി: കുമ്പളങ്ങി ഗ്രാമപഞ്ചായത്തിന്റെയും കുമ്പളങ്ങി സാമുഹ്യാരോഗ കേന്ദ്രത്തിന്റെയും ആഭിമുഖ്യത്തില്‍ ഗ്രാമ പഞ്ചായത്തിലെ മുഴുവന്‍ കിടപ്പ് രോഗികള്‍ക്കും ക്രിസ്തുമസ് കിറ്റ് വിതരണം നടത്തി. കുമ്പളങ്ങി പഞ്ചായത്ത് പ്രസിഡന്റ് മാര്‍ട്ടിന്‍ ആന്റണി വിതരണോല്‍ഘാടനം നടത്തി.ഇതോടനുബന്ധിച്ച് പാലിയേറ്റിവ് പരിചരണത്തില്‍ മികച്ച സേവനം നടത്തിയ വാളന്റിയര്‍മാരെ ആദരിച്ചു. വൈസ് പ്രസിഡന്റ് അമല ബാബു അദ്ധ്യക്ഷത വഹിച്ചു. മാര്‍ഗരറ്റ് ലോറന്‍സ്, സുരേഷ് ബാബു, നെല്‍സണ്‍കോച്ചേരി ,ജാസ്മിന്‍, ടെസ്സി ജേക്കബ്, എന്നിവര്‍ സംസാരിച്ചു.