കേക്ക്മട്ടാഞ്ചേരി: കൊച്ചിന്‍ കാര്‍ണിവലിന്റെ ഭാഗമായി നിര്‍മിച്ച ഭീമന്‍ കേക്ക് കൗതുകമായി. 8 അടി നീളവും 4 അടിയോളം വീതിയും കേക്കിനുണ്ട്.
കൊച്ചി നൈറ്റ് സെലിബ്രേഷന്‍ കമ്മിറ്റിയും ഏവിയേഷന്‍ കമ്മിറ്റിയും ചേര്‍ന്നാണ് കേക്ക് നിര്‍മിച്ചത്.ഫോര്‍ട്ട്‌കൊച്ചി വാസ്‌കോ ഡാ ഗാമ സ്‌ക്വയറില്‍ നടന്ന ചടങ്ങില്‍ കൊച്ചി രൂപത മെത്രാന്‍ റവ.ഡോ.ജോസഫ് കരിയില്‍, മേയര്‍ സൗമിനി ജെയിന്‍, സബ്ബ് കളക്ടര്‍ അദീല അബ്ദുള്ള എന്നിവര്‍ ചേര്‍ന്ന് കേക്ക് മുറിച്ചു.നൈറ്റ് സെലിബ്രേഷന്‍ കമ്മിറ്റി ചെയര്‍മാന്‍ ആന്റണി കുരീത്തറ, വി.ഡി.മജീന്ദ്രന്‍, കൗണ്‍സിലര്‍മാരായ ബിന്ദു ലെവിന്‍, ജയന്തി പ്രേംനാഥ് തുടങ്ങിയവര്‍ പങ്കെടുത്തു.