മൂവാറ്റുപുഴ എസ്.കെ.എസ്.എസ്.എഫ്. മൂവാറ്റുപുഴ മേഖലാ കമ്മിറ്റിയുടെ ആഭിമുഖ്യത്തില്‍ നടത്തുന്ന മദ്ഹുറസൂല്‍ സംഗമത്തിന് പേഴയ്ക്കാപ്പിള്ളി പള്ളിപ്പടിയില്‍ (ശംസുല്‍ ഉലമ നഗര്‍) ഇന്ന് തുടക്കമാകും.
ഇന്ന് വൈകിട്ട് 7.00 മണിക്ക് മജ്‌ലിസ്സുനൂര്‍ ആത്മീയ സംഗമം നടക്കും. തുടര്‍ന്ന് നടക്കുന്ന ഉദ്ഘാടന സമ്മേളനത്തില്‍ എസ്.കെ.എസ്.എസ്.എഫ്. മൂവാറ്റുപുഴ മേഖലാ പ്രസിഡന്റ് മുഹിയദ്ദീന്‍ ബാഖവി അദ്ധ്യക്ഷത വഹിക്കും.
എസ്.വൈ.എസ്. മൂവാറ്റുപുഴ മണ്ഡലം പ്രസിഡന്റ് ഷിഹാബുദ്ദീന്‍ അമാനി ഉദ്ഘാടനം നിര്‍വ്വഹിക്കും. യഹിയ ബാഖവി കണ്ണൂര്‍ മുഖ്യ പ്രഭാഷണം നടത്തും. തുടര്‍ന്നുള്ള ദിവസങ്ങളില്‍ സാലിഹ് അന്‍വരി ചേകന്നൂര്‍, അശറഫ് അഷ്‌റഫി പാന്തൂവൂര്‍ എന്നിവര്‍ സംസാരിക്കും. ഞായറാഴ്ച നടക്കുന്ന സമാപനത്തോടനുബന്ധിച്ച് ഷറഫുല്‍ അനാ മൗലൂദും ദുആ സമ്മേളനവും നടക്കും. ദുആ സമ്മേളത്തിന് പാണക്കാട് സഹീര്‍ അലി ശിഹാബ് തങ്ങള്‍ നേതൃത്വം നല്‍കും.