കൊച്ചി: സ്‌റ്റേഡിയങ്ങള്‍ പരിപാലിക്കുന്നതിനെക്കുറിച്ചു പഠിക്കാന്‍ യുവജന,സ്‌പോര്‍ട്‌സ് മന്ത്രാലയത്തിന്റ പ്രതിനിധികള്‍ കടവന്ത്ര റീജ്യണല്‍ സ്‌പോര്‍ട് സെന്റര്‍ സന്ദര്‍ശിച്ചു.
രാജ്യത്തെ സ്റ്റേഡിയങ്ങള്‍ക്കു തന്നെ മാതൃകയായി മാറിയിരിക്കുന്ന കടവന്ത്ര രാജീവ് ഗാന്ധി ഇന്‍ഡോര്‍ സ്‌റ്റേഡിയം ഉള്‍ക്കൊള്ളുന്ന റീജ്യനല്‍ സ്‌പോര്‍ട്‌സ് സെന്ററിന്റെ പ്രവര്‍ത്തനങ്ങള്‍ നേരില്‍ കണ്ടുമനസിലാക്കുവാന്‍ മുദ്ര ഇന്‍സറ്റിറ്റിറ്റൂട്ട് ഓഫ് കമ്യൂണിക്കേഷന്‍ പ്രൊഫ.സഞ്ജീവ് ത്രിപാഠിയുടെ നേതൃത്വത്തിലുള്ള സംഘം രണ്ടു ദിവസം കൊച്ചിയിലെ വിവിധ സ്റ്റേഡിയങ്ങളുടെ പ്രവര്‍ത്തനം വിലയിരുത്തി. സംസ്ഥാന സര്‍ക്കാരിന്റെ സഹായം ലഭിക്കാതെ അംഗങ്ങളുടെ മെമ്പര്‍ഷിപ്പില്‍ നിന്നുള്ള തുക മാത്രം ഉപയോഗിച്ചു കൊണ്ടുള്ള റീജ്യണല്‍ സ്‌പോര്‍ടസ് സെന്ററിന്റെ പ്രവര്‍ത്തനം സംഘത്തിനെ ആശ്ചര്യപ്പെടുത്തി. കായിക മത്സരങ്ങള്‍ക്കുവേണ്ടി ലോകനിലവാരമുള്ള സൗകര്യങ്ങളാണ് റീജ്യണല്‍ സ്‌പോര്‍ട്‌സ് സെന്ററില്‍ ഒരുക്കിയിരിക്കുന്നതെന്ന് സെക്രട്ടറി എസ്.എ.എസ് നവാസ് പറഞ്ഞു.