ആലപ്പുഴ: ജില്ലാ വ്യവസായ കേന്ദ്രത്തിന്റെ ആഭിമുഖ്യത്തില്‍ ജില്ലയില്‍ വിവിധ വ്യവസായ സംരംഭങ്ങള്‍ ആരംഭിക്കുവാന്‍ ആഗ്രഹിക്കുന്ന യുവജനങ്ങള്‍ക്കായി വിവിധ വിഷയങ്ങളില്‍ 15 ദിവസത്തെ സംരംഭകത്വ വികസന പരിശീലന പരിപാടി സംഘടിപ്പിക്കുന്നു. പരിശീലന പരിപാടിയില്‍ പങ്കെടുക്കുവാന്‍ താല്‍പ്പര്യമുള്ള 18നും 45 വയസിനും ഇടക്ക് പ്രായമുള്ള അഭ്യസ്തവിദ്യര്‍ക്ക് അപേക്ഷിക്കാം. പരിശീലന പരിപാടിയില്‍ പങ്കെടുക്കുവാന്‍ താല്‍പ്പര്യമുള്ളവര്‍ ഡിസംബര്‍ 27 ന് ആലപ്പുഴ വെള്ളക്കിണറിലുള്ള ജില്ലാ വ്യവസായ കേന്ദ്രത്തില്‍ രാവിലെ 10.30ന് ബയോഡേറ്റ സഹിതം ഹാജരാകണം. വിശദവിവരത്തിന് 9746364140, 9447415297.