വെള്ളമുണ്ട: എം.എസ്.എഫ് ജില്ലാ ലീഡേഴ്‌സ് ക്യാംപിന് ഇന്ന് വെള്ളമുണ്ട കിണറ്റിങ്ങലില്‍ തുടക്കമാകും. വിദ്യാര്‍ഥികള്‍ക്കിടയില്‍ സംഘടനാബോധം വളര്‍ത്തുന്നതോടൊപ്പം പരിസ്ഥിതി സംരക്ഷണം, വ്യക്തിത്വ വികസനം, പൊതു വിജ്ഞാനം തുടങ്ങിയ മേഖലകളില്‍ കൂടി സംബന്ധമായ സെഷനുകളും ചര്‍ച്ചകളുമാണ് ക്യാംപില്‍ നടക്കുക. ജില്ലാ പ്രസിഡന്റ് ലുഖ്മാനുല്‍ ഹക്കീം വി.പി.സി പതാക ഉയര്‍ത്തുന്നതോടെ ക്യാംപിന് തുടക്കമാകും. യൂത്ത് ലീഗ് സംസ്ഥാന ജനറല്‍ സെക്രട്ടറി അഡ്വ. പി.കെ ഫിറോസ് ക്യാംപ് ഉദ്ഘാടനം ചെയ്യും. എം.എസ്.എഫ് സംസ്ഥാന പ്രസിഡന്റ് മിസ്ഹബ് കീഴരിയൂര്‍ മുഖ്യപ്രഭാഷണം നടത്തും.