തൊടുപുഴ: 84ാമത് ശിവഗിരി തീര്‍ത്ഥാടനത്തിന്റെ ഭാഗമായി എസ്.എന്‍.ഡി.പി.യോഗം തൊടുപുഴ യൂണിയന്റെ നേതൃത്വത്തില്‍ പദയാത്ര സംഘടിപ്പിക്കുന്നു. ശനിയാഴ്ച രാവിലെ ഒന്‍പത് മണിക്ക് തൊടുപുഴ ചെറായിക്കല്‍ സുബ്രഹ്മണ്യസ്വാമി ക്ഷേത്രത്തില്‍ നിന്ന് തീര്‍ത്ഥാടന പദയാത്ര പുറപ്പെടുമെന്ന് യൂണിയന്‍ പ്രസിഡന്റ് എസ്.പ്രവീണ്‍ പത്രസമ്മേളനത്തില്‍ പറഞ്ഞു. തൊടുപുഴ യൂണിയന്‍ അദ്യമായാണ് തീര്‍ഥാടനപദയാത്രക്ക് നേതൃത്വം നല്‍കുന്നത്.
യൂണിയന്‍ വൈസ്പ്രസിഡന്റ് ഡി ബോസ് അധ്യക്ഷത വഹിക്കുന്ന യോഗം യൂണിയന്‍ പ്രസിഡന്റ് എസ്.പ്രവീണ്‍ ഉദ്ഘാടനം ചെയ്യും. പത്രസമ്മേളനത്തില്‍ യൂണിയന്‍ സെക്രട്ടറി പി.എസ്.സിനിമോന്‍, യോഗം കൗണ്‍സിലര്‍ ഷാജി കല്ലാറയില്‍,പൊന്നമ്മ രവീന്ദ്രന്‍,മൃദുലാ വിശ്വംഭരന്‍ തുടങ്ങിയവരും പങ്കെടുത്തു.