കണ്ണൂര്‍: ഒട്ടേറെ ടൂറിസം പദ്ധതികള്‍ അഞ്ചുവര്‍ഷത്തിനകം പൂര്‍ത്തിയായെങ്കിലും അഴീക്കോട് കൈത്തറി ഗ്രാമം പോലുള്ള കണ്ണൂരിന്റെ പൈതൃകം ഉയര്‍ത്തിപ്പിടിക്കേണ്ട നിരവധി പദ്ധതികള്‍ ഇനിയും പൂര്‍ത്തിയാകാന്‍ ബാക്കിയുണ്ട്. ഫണ്ട് അനുവദിക്കാത്തതിനാല്‍ പദ്ധതികള്‍ മുടങ്ങിയത്. മുഴപ്പിലങ്ങാട് ബീച്ച് നവീകരണം, പഴശി ഉദ്യാനം, പാലക്കയംതട്ട് ടൂറിസം ട്രയാങിള്‍ സര്‍ക്കിള്‍, ഇരിട്ടി കൂര്‍ഗ്‌വാലി റിവര്‍വ്യൂ പാര്‍ക്ക്, മണത്തണ ടൂറിസം സക്വയര്‍, ധര്‍മശാല-പറശ്ശിനിക്കടവ് സൗഹൃദബീച്ച്, മട്ടന്നൂര്‍ ടൗണ്‍സ്‌ക്വയര്‍ എന്നിവ കൂടുതല്‍ ഫണ്ട് അനുവദിച്ചാല്‍ മാത്രമേ പൂര്‍ത്തിയാവൂ. ചെമ്പന്തൊട്ടിയിലെ കുടിയേറ്റ മ്യൂസിയത്തിന്റെ രണ്ടാംഘട്ട നിര്‍മാണം, ശ്രീകണ്ഠപുരം കാക്കണ്ണന്‍പാറ കലാഗ്രാമം രണ്ടാംഘട്ടം, പയ്യന്നൂരില്‍ ഗാന്ധിഖാദി മ്യൂസിയം എന്നിവയും പൂര്‍ത്തിയാവാനുള്ള ടൂറിസം പദ്ധതികളാണ്. പയ്യാമ്പലം പാര്‍ക്ക് നവീകരണത്തിനായി ഏറ്റെടുക്കേണ്ട 65 ശതമാനം സ്ഥലവും സൈന്യത്തിന്റെ കൈയിലാണ്. ഇവ ലഭിച്ചാല്‍ പയ്യാമ്പലം പാര്‍ക്ക് വിപുലീകരിക്കാനാകും.