മുണ്ടക്കയം: മുണ്ടക്കയം ടൗണില്‍ കഞ്ചാവ് വില്‍പന നടത്തിയ രണ്ടുപേരെ അറസ്റ്റു ചെയ്തു. മുണ്ടക്കയം 31ാം മൈല്‍ പുത്തന്‍പുരയ്ക്കല്‍ കളം ബിജു എന്നറിയപ്പെടുന്ന പി.ടി ബിജു(43), പനയ്ക്കച്ചിറ പാറമടചിറപ്പുറത്ത് ജയ്‌മോന്‍(40)എന്നിവരെയാണ് പിടികൂടിയത്.
എക്‌സൈസ് ഇന്‍സ്‌പെക്ടര്‍ ടി.ആര്‍ രാജേഷിന്റെ നേതൃത്വത്തിലുള്ള സംഘമാണ് പ്രതികളെ അറസ്റ്റു ചെയ്തത്. ഡെപ്യൂട്ടി കമ്മിഷണറുടെ സ്‌ക്വാഡ് അംഗം കെ.എന്‍ സുരേഷ് കുമാര്‍ നടത്തിയ പരിശോധനയില്‍ കെ.എസ്.ആര്‍.ടി.സി സ്‌റ്റേഷന്‍ മാസ്റ്റര്‍ ഓഫിസിനു സമീപത്തു നിന്നുമാണ് ബിജുവിനെ പിടികൂടിയത്. ഇയാളില്‍ നിന്ന് നൂറ്റമ്പത് ഗ്രാം കഞ്ചാവുമായി പിടിച്ചെടുത്തു.
കൂട്ടിക്കല്‍ റോഡില്‍ സി.എം.എസ് ഹൈസ്‌കൂള്‍ ഭാഗത്തു നിന്നും ഗ്യാലക്‌സി ജഷനിലേക്ക് ഇറങ്ങുന്ന ഇടവഴിയില്‍ വെച്ചാണ് ജെയ്‌മോനെ പിടികൂടുന്നത്. 200 ഗ്രാം കഞ്ചാവ് ഇയാളില്‍ നിന്നു കണ്ടെടുത്തു.
ഇയാളെ മുമ്പ് കുമളി ചെക്ക് പോസ്റ്റില്‍ കഞ്ചാവുമായി പിടിച്ചിട്ടുണ്ട്. അറസ്റ്റിന് അസി.എക്‌സൈസ് ഇന്‍സ്‌പെക്ടര്‍ മുഹമ്മദ് ഹനീഫ,ഡെപ്യൂട്ടി കമ്മീഷണറുടെ സ്‌ക്വാഡ് അംഗം സുരേഷ് കുമാര്‍, ഗാര്‍ഡുമാരായ സഹീര്‍, അജിമോന്‍, ദീപു, ടി.ആര്‍ സന്തോഷ് പങ്കെടുത്തു.