കോതമംഗലം: എം.ജി വാഴ്‌സിറ്റി അത്‌ലറ്റിക് മീറ്റില്‍ പുരുഷ വിഭാഗത്തില്‍ 133 പോയിന്റുമായി കോതമംഗലം മാര്‍ അത്തനേഷ്യസ് കോളജും വനിതാ വിഭാഗത്തില്‍ 111 പോയിന്റുമായി പാലാ അല്‍ഫോന്‍സ കോളജും മുന്നേറുന്നു.
88 പോയിന്റുള്ള ചങ്ങനാശ്ശേരി അസംപ്ഷന്‍ കോളജാണ് വനികളുടെ വിഭാഗത്തില്‍ രണ്ടാമത്.പുരുഷ വിഭാഗത്തില്‍ പാലാ സെന്റ് തോമസ് 49 പോയിന്റുമായി രണ്ടാമതാണ്..മീറ്റിന്റെ രണ്ടാം ദിവസമായ ഇന്നലെ നാല് മീറ്റ് റെക്കോര്‍ഡുകള്‍ പിറന്നു.
5000 മീറ്റര്‍ വനിതകളുടെ നടത്തത്തില്‍ പാലാ അള്‍ഫോന്‍സയുടെ മേരി മാര്‍ഗരറ്റ്,20000 മീറ്റര്‍ പുരുഷ വിഭാഗം നടത്തത്തില്‍ കോതമംഗലം എം.എ കോളജിന്റെ തോമസ് എബ്രഹാം,പുരുഷ വിഭാഗം ലോംഗ്ജംപില്‍ എം.എ.യുടെ തന്നെ പി.വി.സുഹൈല്‍,ജാവലിന്‍ ത്രോ പുരുഷ വിഭാഗത്തില്‍ പാലാ സെന്റ് തോമസിന്റെ അരുണ്‍ ബേബി എന്നിവരാണ് പുതിയ മീറ്റ് റെക്കോര്‍ഡുകള്‍ സ്ഥാപിച്ചത്. മത്സരങ്ങള്‍ ആന്റണി ജോണ്‍ എം.എല്‍.എ.ഉദ്ഘാടനം ചെയ്തു.എം.എ.കോളജ് അസോസിയേഷന്‍ സെക്രട്ടറി ഡോ.വിന്നി വര്‍ഗീസ് അധ്യക്ഷത വഹിച്ചു. മത്സരങ്ങള്‍ ഇന്ന് സമാപിക്കും.