തിരുവനന്തപുരം: ചേരമ സാംബവ ഡവലപ്‌മെന്റ് സൊസൈറ്റിയുടെ സാംസ്‌കാരിക സംഗമറാലിയും പൊതുസമ്മേളനവും ഇന്നു നടക്കും. ഉച്ചക്ക് ഒന്നിന് കവടിയാര്‍ സാല്‍വേഷന്‍ ആര്‍മി ഗ്രൗണ്ടില്‍ നിന്നും ആരംഭിക്കുന്ന സാംസ്‌കാരിക സംഗമറാലി പുത്തരിക്കണ്ടം മൈതാനത്തു സമാപിക്കും.
വൈകിട്ട് നാലിനു നടക്കുന്ന പൊതുസമ്മേളനം മന്ത്രി എ.കെ. ബാലന്‍ ഉദ്ഘാടനം ചെയ്യും. ചികിത്സാ ധനസഹായം മന്ത്രി വി.എസ്. സുനില്‍കുമാറും വിദ്യാഭ്യാസ ധനസഹായം ഡെപ്യൂട്ടി സ്പീക്കര്‍ വി. ശശിയും വിവാഹധനസഹായം മുന്‍ മുഖ്യമന്ത്രി ഉമ്മന്‍ചാണ്ടിയും വിതരണം ചെയ്യും. മന്ത്രി എം.എം. മണിയെ സമ്മേളനത്തില്‍ ആദരിക്കും. ദലിത് പ്രവര്‍ത്തകനായ ജിഗ്‌നേഷ് മേവാനി മുഖ്യപ്രഭാഷണം നടത്തും. സൊസൈറ്റി സംസ്ഥാന പ്രസിഡന്റ് കെ.കെ. സുരേഷ്, ഷാജി ഡേവിഡ്, എം.എസ്. സജന്‍ തുടങ്ങിയവര്‍ പങ്കെടുക്കും.
ഗതാഗതം നിരോധിച്ചു
തിരുവനന്തപുരം: ഓവര്‍ ബ്രിഡ്ജ്-ഉപ്പിടാംമൂട് റോഡില്‍ ചെട്ടികുളങ്ങര ജങ്ഷനില്‍ കള്‍വര്‍ട്ടിന്റെ പണി നടക്കുന്നതിനാല്‍ ഈ റോഡിലൂടെയുളള ഗതാഗതം ഒരു മാസത്തേക്ക് നിരോധിച്ചു. ഉപ്പിടാംമൂടില്‍ നിന്നും ഓവര്‍ ബ്രിഡ്ജിലേയ്ക്ക് പോകുന്ന വാഹനങ്ങള്‍ കുന്നുംപുറം ജങ്ഷന്‍ തിരിഞ്ഞ് ആയുര്‍വേദ കോളജ് വഴിയും ഓവര്‍ ബ്രിഡ്ജ് -ല്‍ നിന്നും തിരികെ ഉപ്പിടാംമൂടിലേയ്ക്ക് പോകേണ്ട വാഹനങ്ങള്‍ ആയുര്‍വേദ കോളജ് ജങ്ഷന്‍ തിരിഞ്ഞ് ചെട്ടികുളങ്ങര വഴിയും പോകണമെന്ന് പൊതുമരാമത്ത് വകുപ്പ് നിരത്ത് വിഭാഗം എക്‌സിക്യൂട്ടീവ് എന്‍ജിനീയര്‍ അറിയിച്ചു.
വൈദ്യുതി മുടങ്ങും
തിരുവനന്തപുരം: മണക്കാട് ഇലക്ട്രിക്കല്‍ സെക്ഷന്‍ പരിധിയില്‍കുത്തുകല്ലിന്‍മൂട്, കൊഞ്ചിറവിള, കളിപ്പാന്‍കുളം എന്നീ സ്ഥലങ്ങളില്‍ ഇന്നു രാവിലെ 9 മണിമുതല്‍ വൈകിട്ട് 5 മണി വരെ വൈദ്യുതി മുടങ്ങും. പുത്തന്‍ചന്ത ഇലക്ട്രിക്കല്‍ സെക്ഷന്‍ പരിധിയില്‍ എസ്.എസ്.കോവില്‍ റോഡ്, മാഞ്ഞാലിക്കുളം റോഡ്, തമ്പാനൂര്‍, കെ.എസ്.ആര്‍.റ്റി.സി എന്നീ സ്ഥലങ്ങളില്‍ ഇന്നു രാവിലെ 9 മണിമുതല്‍ വൈകിട്ട് 5 മണി വരെ വൈദ്യുതി മുടങ്ങും.