കോവളം: ഹ്രസ്വ സന്ദര്‍ശനത്തിനായി വിനോദസഞ്ചാരികളുമായി വിഴിഞ്ഞത്തെത്തിയ ഐലന്റ് സ്‌കൈ എന്ന ആഡംബര കപ്പല്‍ കൊളംബോയിലേക്ക് തിരിച്ചു. ബ്രിട്ടന്‍, ജര്‍മ്മനി, ഫിലിപ്പീന്‍സ് എന്നിവിടങ്ങളിലെ 93 സഞ്ചാരികളുമായാണ് കപ്പല്‍ എത്തിയത്. സ്വീഡന്‍ കാരനായ ക്യാപ്റ്റന്‍ അഡ്മാര്‍ക്കിര്‍ ലാര്‍ഷ് ഹാക്കിലാണ് ക്യാപ്റ്റന്‍. കൊളംബോയിലേക്കുള്ള യാത്രാമധ്യേയാണ് വിഴിഞ്ഞത്ത് നങ്കൂരമിട്ടത്.
ഇന്നലെ രാവിലെ ഏഴുമണിയോടെ തുറമുഖത്തെ പഴയ വാര്‍ഫില്‍ നങ്കൂരമിട്ട കപ്പലില്‍ നിന്നും പുറത്തിറങ്ങിയ വിനോദ സഞ്ചാരികള്‍ക്ക് അധികൃതര്‍ ഹൃദ്യമായ വരവേല്‍പ് നല്‍കി. ഉച്ചയ്ക്ക് രണ്ട് മണിയോടെ കപ്പല്‍ വിഴിഞ്ഞം തീരം വിട്ടു.