കൊല്ലം: എം.എം നഗര്‍ റസിഡന്‍സ് അസോസിയേഷന്റെ ഉദ്ഘാടന കര്‍മ്മം 24ന് വൈകിട്ട് 4ന് ലക്ഷ്മി ഓഡിറ്റോറിയത്തില്‍ നടക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു.
കോര്‍പറേഷന്‍ മേയര്‍ രാജേന്ദ്രബാബു, എന്‍.കെ പ്രേമചന്ദ്രന്‍ എം.പി, എം. മുകേഷ് എം.എല്‍.എ, ഡെപ്യൂട്ടി മേയര്‍ വിജയ ഫ്രാന്‍സിസ്, കൗണ്‍സിലര്‍ സന്തോഷ്, ചലച്ചിത്ര പിന്നണി ഗായിക ലതിക, ഐമാള്‍ എം ഡി അബ്ദുല്‍ റഹീം, ചലച്ചിത്രതാരം മാസ്റ്റര്‍ അഭിനവ് എന്നിവര്‍ വിവിധ പദ്ധതികള്‍ ഉദ്ഘാടനം ചെയ്യും. റസിഡന്‍സ് അസോസിയേഷന്‍ പ്രസിഡന്റ് വി സദാനന്ദന്‍ നായര്‍ അധ്യക്ഷനാകും. ലോഗോ രൂപകല്‍പന ചെയ്ത രാജേഷ് തൃക്കാട്ടിലിനെ ചടങ്ങില്‍ ആദരിക്കും. നിരാലംബരായ നിത്യ രോഗികള്‍ക്ക് മരുന്നും ഒപ്പം വീല്‍ ചെയറും വിതരണം ചെയ്യും.
വികസനത്തിന്റെ തിരിവെളിച്ചം ഓരോ വീട്ടിലേക്കും പരമാവധി എത്തിക്കുകയാണ് അസോസിയേഷന്റെ ലക്ഷ്യം.
വാര്‍ത്താസമ്മേളനത്തില്‍ വി സദാനന്ദന്‍ നായര്‍, രാജേഷ് തൃക്കാട്ടില്‍, രാഘവന്‍ പിള്ള, രാജേന്ദ്രന്‍ പിള്ള, സക്കീര്‍ ഹുസൈന്‍ എന്നിവര്‍ പങ്കെടുത്തു.