വിരിപ്പാടം: ഇസ്‌ലാമിക് സെന്റര്‍ ആക്കോട് വിരിപ്പാടം 14ാം വാര്‍ഷിക മഹാസമ്മേളനത്തിന് കണ്ണിയത്ത് ഉസ്താദ് മഖാം സിയാറത്തോടുകൂടി തുടക്കമായി. പ്രാര്‍ഥനക്ക് സയ്യിദ് ബി.എസ്.കെ തങ്ങള്‍ നേതൃത്വം നല്‍കി. പി.എ ജബ്ബാര്‍ ഹാജി പതാക ഉയര്‍ത്തി. സമസ്ത കേന്ദ്ര മുശാവറ അംഗം ഡോ. ബഹാഉദ്ധീന്‍ മുഹമ്മദ് നദ്‌വി സമ്മേളനം ഉദ്ഘാടനം ചെയ്തു. വൈസ് പ്രസിഡന്റ് പൂതാല മുഹമ്മദ് അധ്യക്ഷനായി.
ജൈസല്‍ എളമരം, അബ്ദുറഹ്മാന്‍ മാസ്റ്റര്‍ മുണ്ടുമുഴി, അന്‍വര്‍ സാദാത്ത്, എം.സി നാസര്‍, ആബിദ് ഹുദവി തച്ചണ്ണ, സലീം ദാരിമി ആക്കോട്, എം.കെ കബീര്‍ ഹാജി, എം.സി അബ്ദുറഹിമാന്‍ ഹാജി സംസാരിച്ചു. ഉമര്‍ഫാറൂഖ് ഹുദവി പാലത്തിങ്ങല്‍ മുഖ്യപ്രഭാഷണം നടത്തി. മജ്‌ലിസുന്നൂറിന് സയ്യിദ് ജിഫ്രി കുഞ്ഞിസീതിക്കോയ തങ്ങള്‍ നേതൃത്വം നല്‍കി. സി.വി.എ കബീര്‍ സ്വാഗതവും ഡോ. എ.ടി ജബ്ബാര്‍ നന്ദിയും പറഞ്ഞു.