ഏലംകുളം: ഓട്ടോകാര്‍ നിയന്ത്രണം വിട്ട് ഓടയില്‍ വീണു ഡ്രൈവറടക്കം നാലുപേര്‍ക്ക് പരുക്കേറ്റു. പെരിന്തല്‍മണ്ണ പട്ടാമ്പി റൂട്ടിലെ ചെറുകര മല റോഡിനു സമീപം വ്യാഴാഴ്ച വൈകുന്നേരം അഞ്ചിനായിരുന്നു അപകടം.
നെല്ലായ സ്വദേശികളായ നാലകത്ത് നാസര്‍ (53), ഭാര്യ ഖദീജ (50), മകള്‍ റെന (ആറര ) ഓട്ടോ കാര്‍ ഡ്രൈവര്‍ ഹമീദ് (50)എന്നിവര്‍ക്കാണ് പരുക്കേറ്റത്. പെരിന്തല്‍മണ്ണ ഭാഗത്ത് നിന്ന് വരികയായിരുന്ന ഓട്ടോ കാര്‍ നിയന്ത്രണം വിട്ട് റോഡരികിലെ സുരക്ഷാഭിത്തി തകര്‍ത്ത് ഓടയിലേക്ക് വീഴുകയായിരുന്നു. വീഴ്ച്ചയില്‍ ഓട്ടോകാര്‍ ഭാഗികമായി തകര്‍ന്നു. ജനങ്ങളെത്തിയാണ് യാത്രക്കാരെ ഓട്ടോ കാറില്‍ നിന്ന് രക്ഷപ്പെടുത്തിയത്. പരുക്കേറ്റവരെ പെരിന്തല്‍മണ്ണയിലെ സ്വകാര്യ ആശുപത്രിയില്‍ പ്രവേശിപ്പിച്ചു.