കരിങ്കല്ലത്താണി: 'മുഹമ്മദ് നബി(സ)കുടുംബനീതിയുടെ പ്രകാശം' എന്ന പ്രമേയത്തില്‍ സമസ്ത താഴെക്കോട് മേഖല കമ്മിറ്റി സംഘടിപ്പിക്കുന്ന നബിദിനറാലിയും ഹുബ്ബുര്‍റസൂല്‍ സമ്മേളനവും ഇന്ന് നടക്കും. വൈകീട്ട് നാലിന് താഴെക്കോട് വില്ലേജ് പരിസരത്ത് നിന്ന് 23 മഹല്ലുകളുടെ നേതൃത്വത്തില്‍ ആരംഭിക്കുന്ന നബിദിനറാലി കരിങ്കല്ലത്താണിയില്‍ സമാപിക്കും.
വൈകീട്ട് ഏഴിന് കരിങ്കല്ലത്താണിയില്‍ നടക്കുന്ന ഹുബ്ബുര്‍റസൂല്‍ സമ്മേളനം പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. എസ്.വൈ.എസ് സംസ്ഥാന സെക്രട്ടറി അബ്ദുസ്സമദ് പൂക്കോട്ടൂര്‍ ഹുബ്ബുര്‍റസൂല്‍ പ്രഭാഷണം നടത്തും. മജ്‌ലിസുന്നൂറിനും സമാപനാ പ്രാര്‍ത്ഥനക്കും ശൈഖുന ഏലംകുളം ബാപ്പുമുസ്‌ലിയാര്‍ നേതൃത്വം നല്‍കും. സി.കെ മൊയ്തുട്ടി മുസ്‌ലിയാര്‍, എ.കെ ആലിപ്പറമ്പ്, ഡോ. നാട്ടിക മുഹമ്മദലി സംബന്ധിക്കും.