എടപ്പാള്‍: കോലൊളമ്പ് നാട്ടുനന്മ ഭാരവാഹികളുടെ നേതൃത്വത്തില്‍ 'തെരുവിന്റെ മക്കള്‍ക്ക് കളിപ്പാട്ടം'പദ്ധതി നടപ്പിലാക്കുന്നു.
തെരുവില്‍ കഴിയുന്ന ബാല്യങ്ങള്‍ക്ക് ക്രിസ്മസ്, പുതുവര്‍ഷ ദിനത്തില്‍ കളിപ്പാട്ടങ്ങള്‍ നല്‍കുന്ന പദ്ധതിയാണിത്. തെരുവോരങ്ങളില്‍ അന്തിയുറങ്ങുന്ന കുരുന്നുകള്‍ക്ക് പലരും ഭക്ഷണം എത്തിച്ചു നല്‍കാറുണ്ടെങ്കിലും കളിചിരിയുമായി കഴിയേണ്ടണ്ട ബാല്യത്തില്‍ കളിപ്പാട്ടങ്ങള്‍ ലഭിക്കാറില്ല.
ഈ സാഹചര്യത്തിലാണ് പല വീടുകളിലും കുട്ടികള്‍ ഉപേക്ഷിക്കുന്ന കളിപ്പാട്ടങ്ങള്‍ സ്വരൂപിച്ച് ഇവര്‍ക്ക് എത്തിച്ചുനല്‍കാന്‍ ക്ലബ് ഭാരവാഹികള്‍ രംഗത്തെത്തിയത്. കഴിഞ്ഞ വര്‍ഷം തെരുവോരങ്ങളില്‍ അന്തിയുറങ്ങുന്ന കുരുന്നുകള്‍ക്ക് ക്ലബ് ഭാരവാഹികള്‍ ഭക്ഷണം എത്തിച്ചുനല്‍കിയിരുന്നു.
വീടുകളിലെ പഴയ കളിപ്പാട്ടങ്ങള്‍ നല്‍കാന്‍ തയാറുള്ളവര്‍ 9995999586 എന്ന നമ്പറില്‍ ബന്ധപ്പെടണം.