മലപ്പുറം: കേരളാ സ്റ്റേറ്റ് സര്‍വിസ് പെന്‍ഷനേഴ്‌സ് യൂനിയന്‍ ജില്ലാ രജതജൂബിലി സമ്മേളനത്തോടനുബന്ധിച്ചു മലപ്പുറം പെന്‍ഷന്‍ ഭവനില്‍ വനിതാ സെമിനാര്‍ സംഘടിപ്പിച്ചു. ജില്ലാ വനിതാ സാംസ്‌കാരിക സമിതി കണ്‍വീനര്‍ സി.എ ഖദീജത്ത് അധ്യക്ഷയായി.
മലപ്പുറം മുനിസിപ്പല്‍ ചെയര്‍പേഴ്‌സണ്‍ സി.എച്ച് ജമീല ടീച്ചര്‍ സെമിനാര്‍ ഉദ്ഘാടനം ചെയ്തു. സുജാത ആച്ചികുളത്ത് പ്രബന്ധം അവതരിപ്പിച്ചു. കില ഫാക്കല്‍റ്റി അംഗം ബീനാസണ്ണി, അഡ്വ. പ്രബിത, എസ്. കുമാരി ടീച്ചര്‍, എ. കനകമ്മാള്‍, മാധവന്‍ പാലാട്ട് സംസാരിച്ചു.