തൃശൂര്‍: ശ്രീ പുഷ്പക ബ്രാഹ്മണ സേവകസംഘം(എസ്.പി.എസ്.എസ്) ജില്ലാ കലാമേള 25ന് കേച്ചേരി തലക്കോട്ടുകര ശിവശക്തി ഓഡിറ്റോറിയത്തില്‍ നടക്കുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.
രാവിലെ ഒന്‍പതിന് മന്ത്രി എ.സി മൊയ്തീന്‍ ഉദ്ഘാടനം ചെയ്യും. സംഘത്തിന്റെ കേന്ദ്ര വൈസ് പ്രസിഡന്റുമാരായ ഡോ. സി.നീലകണ്ഠന്‍, കെ.പി ഉമാദേവി, കേന്ദ്ര സെക്രട്ടറി സ്വസ്തി ചന്ദ്രന്‍, മധ്യമേഖല ഓര്‍ഗനൈസിങ് സെക്രട്ടറി ടി.പി വിജയന്‍ നമ്പീശന്‍, വി.കെ നാരായണന്‍ സംബന്ധിക്കും.
വാര്‍ത്താ സമ്മേളനത്തില്‍ ജില്ലാ സെക്രട്ടറി ഡോ. ആര്‍.മുരളീധരന്‍, സ്വാഗതസംഘം ജനറല്‍ കണ്‍വീനര്‍ കെ.ബാലന്‍ നമ്പീശന്‍, വി.കെ നാരായണന്‍, പി.ആര്‍ ഹരി എന്നിവര്‍ പങ്കെടുത്തു.