കുന്നംകുളം: ടെസ്റ്റ്‌ഡ്രൈവിനെന്ന വ്യാജേനെ ന്യൂജനറേഷന്‍ ബൈക്ക് മോഷ്ടിച്ച കേസിലെ പ്രതികളായ സഹോദരങ്ങളെ കുന്നംകുളം പൊലിസ് അറസ്റ്റ് ചെയ്തു.
വേലൂര്‍ തയ്യൂര്‍ സ്വദേശികളായ മൂളിപറമ്പില്‍ ഷാജന്‍ (30), സഹോദരന്‍ വിനോദ് (28) എന്നിവരാണ് പിടിയിലായത്. ഒരു വര്‍ഷം മുന്‍പ് കുന്നംകുളം ഭാവനാ തിയറ്ററിനു സമീപത്തുള്ള സെക്കന്റ് ഹാന്റ് ബൈക്ക് ഷേറൂമില്‍ നിന്നു വാഹനം വാങ്ങാനെന്ന വ്യാജേനെ എത്തിയ ഇവര്‍ ബൈക്ക് ഓടിച്ചു നോക്കാനെന്ന് പറഞ്ഞ് ബൈക്ക് എടുത്തു പോയി. ഇവര്‍ പിന്നീട് തിരിച്ചെത്തിയില്ല.
തുടര്‍ന്ന് പൊലിസില്‍ പരാതി നല്‍കി. മോഷ്ടിച്ച ബൈക്കും ഇവരില്‍ നിന്ന് കണ്ടെടുത്തു. പ്രതികളെ കോടതിയില്‍ ഹാജരാക്കി.