കയ്പമംഗലം: പുതിയകാവ് ഇല്‍ഫത്ത് വിമന്‍സ് കോളജിലെ ഇല്‍ഫത്ത് ഫെസ്റ്റ് 2016 സിനിമാതാരം ലിയോണ ലിഷോയ് ഉദ്ഘാടനം ചെയ്തു. പ്രിന്‍സിപ്പല്‍ വി.കെ ബഷീര്‍ അധ്യക്ഷനായി. ഇല്‍ഫത്തുല്‍ ഇസ്‌ലാം സഭ പ്രസിഡന്റ് അബ്ദുള്‍ ഖാദര്‍ ഹാജി, സെക്രട്ടറി എം.കെ സിദ്ധീക്ക്, പഞ്ചായത്തംഗം കെ.കെ അഹമ്മദ് കബീര്‍, പി.ടി.എ പ്രസിഡന്റ് കെ.കെ അബ്ദുള്ള, ചെയര്‍പേഴ്‌സന്‍ ഐഷ മജീദ്, അഡ്മിനിസ്‌ട്രേറ്റര്‍ റാബിയ ബര്‍ക്കത്തലി, സ്റ്റാഫ് സെക്രട്ടറി ധന്യ രതീഷ് സംസാരിച്ചു. വിവിധ കലാപരിപാടികളും നടന്നു.