കണ്ണൂര്‍: 'മദീനാ പാഷന്‍' എസ്.കെ.എസ്.എസ്.എഫ് ജില്ലാ സമ്മേളനത്തോടനുബന്ധിച്ച് ആശ്ലേഷം-16 ഇരിക്കൂര്‍ റഹ്മാനിയ്യ മദ്‌റസയില്‍ മുസ്തഫ അമാനി ഉദ്ഘാടനം ചെയ്തു. പഴയകാല നേതാക്കളുടെ അനുഭവങ്ങള്‍ പുതു പ്രവര്‍ത്തകര്‍ക്ക് മാതൃകയാണെന്നും അതില്‍നിന്ന് അവേശമുള്‍ക്കൊണ്ട് കര്‍മമേഖലയില്‍ സജീവമാകണെന്നും പഴയകാല നേതാക്കളുടെ സംഗമങ്ങള്‍ സംഘടനാശാക്തീകരണത്തിന് എറെ ഗുണം ചെയ്യുമെന്നും അദ്ദേഹം പറഞ്ഞു. ബഷീര്‍ അസ്അദി അധ്യക്ഷനായി. മഹറൂഫ് മട്ടന്നൂര്‍, ടി.കെ ജുനൈദ് ചാലാട്, ഗഫൂര്‍ ബാഖവി, നൗഷാദ് ഇരിക്കൂര്‍, മുനീര്‍ കുന്നത്ത്, ഷഫീഖ് കുന്നത്ത്, ശിഹാബുദ്ദീന്‍, ജാബിര്‍ സംസാരിച്ചു.