പയ്യന്നൂര്‍: സി.പി.എം പ്രവര്‍ത്തകന്‍ കുന്നരു കാരന്താട്ടെ സി.വി ധനരാജിനെ വെട്ടികൊലപ്പെടുത്തിയ സംഭവത്തില്‍ രണ്ട് ബി.ജെ.പി പ്രവര്‍ത്തകര്‍ പൊലിസില്‍ കീഴടങ്ങി. മൊട്ടക്കുന്ന് സ്വദേശി പി.പി ധനേഷ്(25), കക്കംപാറയിലെ പി.വി രാജേഷ്(29) എന്നിവരാണ് കീഴടങ്ങിയത്. കൊലപാതകം സംബന്ധിച്ച ഗൂഡാലോചനയില്‍ ഉള്‍പ്പെട്ടവരാണ് ഇവരെന്ന് പൊലിസ് അറിയിച്ചു. ഇന്നലെ വൈകുന്നേരത്തോടെയാണ് ഇവര്‍ കേസന്വേഷണ ചുമതലയുള്ള സി.ഐ എം.പി ആസാദിനു മുന്നില്‍ കീഴടങ്ങിയത്. പയ്യന്നൂര്‍ ഒന്നാം ക്ലാസ് മജിസ്‌ട്രേറ്റിനു മുന്നില്‍ ഹാജരാക്കിയ പ്രതികളെ റിമാന്‍ഡ് ചെയ്തു. കഴിഞ്ഞ ജൂലൈ 11നാണ് ധനരാജിനെ വീടിന് സമീപത്തു വച്ച് വെട്ടിക്കൊന്നത്.