വല്ലപ്പുഴ: സമസ്ത കേരള ജംഇയ്യത്തുല്‍ ഉലമ പാലക്കാട് ജില്ലാ കമ്മിറ്റിയുടെ നേതൃത്വത്തില്‍ കോയക്കുട്ടി ഉസ്താദ് അനുസ്മരണവും ത്വരീഖത്ത് പഠനക്ലാസും ഇന്ന് വല്ലപ്പുഴ യതീംഖാനയില്‍ നടക്കും. രാവിലെ 9.30ന് സമസ്ത കേരള ജംഇയ്യത്തുല്‍ ഉലമ സെക്രട്ടറി കോട്ടുമല ടി എം ബാപ്പു മുസ്ലിയാര്‍ ഉദ്ഘാടനം നിര്‍വഹിക്കും.
സമസ്ത മുശാവറ അംഗം സയ്യിദ് കെ പി സി തങ്ങള്‍ വല്ലപ്പുഴ അധ്യക്ഷനാകും. സമസ്ത ജനറല്‍ സെക്രട്ടറി കെ. ആലിക്കുട്ടി മുസ്ലിയാര്‍ മുഖ്യപ്രഭാഷണം നടത്തും. അനുസ്മരണ പ്രഭാഷണവും ദുആ നേതൃത്വവും എം ടി അബ്ദുല്ല മുസ്ലിയാര്‍ നിര്‍വഹിക്കും. ത്വരീഖത്ത് തെറ്റും ശരിയും എന്ന വിഷയത്തില്‍ നടക്കുന്ന പഠന ക്ലാസിന് സമസ്ത ട്രഷറര്‍ സയ്യിദ് ജിഫ്രി മുത്തുക്കോയ തങ്ങള്‍ നേതൃത്വം നല്‍കും.
സമസ്ത മുശാവറ അംഗം  നെല്ലായ കുഞ്ഞഹമ്മദ് മുസ്ലിയാര്‍, ഇമ്പിച്ചിക്കോയ തങ്ങള്‍ പഴയലക്കിടി, മൊയ്തീന്‍ കുട്ടി ഫൈസി വാക്കോട്, അബ്ദുറഹ്മാന്‍ ജിഫ്രി തങ്ങള്‍, സി മുഹമ്മദ് കുട്ടി ഫൈസി, ശിഹാബുദ്ധീന്‍ ജിഫ്രി തങ്ങള്‍ വല്ലപ്പുഴ, വി എ സി കുട്ടി ഹാജി, സലാഹുദ്ധീന്‍ ഫൈസി, സാദാ ഹാജി കല്ലടിക്കോട്, സമദ് മാസ്റ്റര്‍ പൈലിപ്പുറം, സി മുഹമ്മദലി ഫൈസി കോട്ടോപ്പാടം, ടി കെ മുഹമ്മദ് കുട്ടി ഫൈസി കരുവാന്‍പടി, ശമീര്‍ ഫൈസി കോട്ടോപ്പാടം, അബൂബക്കര്‍ ഫൈസി, മൊയ്തുക്കുട്ടി ഹാജി, മനാഫ് കോട്ടോപ്പാടം, അനസ് മാരായമംഗലം എന്നിവര്‍ പ്രസംഗിക്കും. സമസ്ത ജില്ലാ ജനറല്‍ സെക്രട്ടറി സി കെ എം സാദിഖ് മുസ്ലിയാര്‍ സ്വാഗതവും ഇ. അലവി ഫൈസി കുളപ്പറമ്പ് നന്ദിയും പറയും.