മുക്കം: ടൗണിനടുത്ത് മുക്കംകടവ് പഴയ വെന്റ് പൈപ്പ് പാലത്തിനടുത്തു നിന്ന് കഞ്ചാവ് ചെടി കണ്ടെത്തി.
കുന്ദമംഗലം എക്‌സൈസ് സംഘം നടത്തിയ പരിശോധനയിലാണ് ഏകദേശം പൂര്‍ണ വളര്‍ച്ചയെത്തിയ കഞ്ചാവ് ചെടി കണ്ടെത്തിയത്. 75 സെന്റീമീറ്റര്‍ നീളത്തില്‍ ചെടി വളര്‍ന്നിരുന്നു. മലയോര മേഖലയില്‍ മദ്യ-മയക്കുമരുന്ന് മാഫിയയുടെ വിളയാട്ടത്തിനെതിരേ വിവിധയിടങ്ങളില്‍ നിന്ന് പരാതി ഉയര്‍ന്നിരുന്നു. ഇതേത്തുടര്‍ന്നാണ് എക്‌സൈസ് പരിശോധന ശക്തമാക്കിയത്.
കുന്ദമംഗലം എക്‌സൈസ് ഇന്‍സ്‌പെക്ടര്‍ എം.കെ ഗിരീഷ്, അസി. ഇന്‍സ്‌പെക്ടര്‍ വി.കെ അബ്ദുറഹിമാന്‍, അബ്ദുല്‍ ജബ്ബാര്‍, ഹരീഷ് കുമാര്‍, സി.ഇ ദീപേഷ്, പി.കെ ഹരീഷ്, സന്തോഷ് ചെറുവോട്ട് തുടങ്ങിയവര്‍ പരിശോധനയ്ക്ക് നേതൃത്വം നല്‍കി.