മലപ്പുറം: ഉപയോഗശേഷം പേനകള്‍ അലക്ഷ്യമായി വലിച്ചെറിയുന്ന പതിവു മാറുന്നു. മലപ്പുറം ചെമ്മങ്കടവിലെ പി.എം.എസ്.എ.എം.എ ഹയര്‍സെക്കന്‍ഡറി സ്‌കൂളിലെ എന്‍.എസ്.എസ് യൂനിറ്റിലെ വിദ്യാര്‍ഥികള്‍, പ്രിന്‍സിപ്പല്‍, എന്‍.എസ്.എസ് പ്രോഗ്രാം ഓഫിസര്‍ എന്നിവര്‍ ഉപയോഗശൂന്യമായ പേനകള്‍ ശേഖരിച്ച് ശുചിത്വമിഷനു കൈമാറി. ശുചിത്വമിഷനും കൊച്ചി ബിനാലെയും സംയുക്തമായി നടത്തുന്ന 'പെന്‍ ഡ്രൈവ് ' പരിപാടിയിലേക്കാണ് പഴയ പേനകള്‍ ശേഖരിച്ച് നല്‍കിയത്.