നിലമ്പൂര്‍: ജില്ലാ സ്‌പോര്‍ട്‌സ് കൗണ്‍സിലിന്റെ ഖേലോ ഇന്ത്യ കായിക മത്സരങ്ങള്‍ക്ക് നിലമ്പൂര്‍ ബ്ലോക്ക് പഞ്ചായത്ത്, മുനിസിപ്പാലിറ്റി പരിധിയിലുള്ള 17 വയസിനു താഴെയുള്ളവര്‍ക്കായുള്ള സെലക്ഷന്‍ 26, 27 തിയതികളില്‍ നടക്കും. 26ന് ഫുട്‌ബോള്‍, വോളിബോള്‍, തൈക്വണ്ടോ മത്സരങ്ങളുടെ സെലക്ഷന്‍ ചുങ്കത്തറ മാര്‍ത്തോമ കോളജിലും നീന്തല്‍ മത്സരങ്ങള്‍ക്ക് സെലക്ഷന്‍ പീവീസ് സ്‌കൂളിലും നടക്കും. അത്‌ലറ്റിക് മത്സരങ്ങളുടെ സെലക്ഷന്‍ 27നു മാര്‍ത്തോമ കോളജില്‍ നടക്കും. കാളികാവ് ബ്ലോക്ക്തല സെലക്ഷന്‍ പൂക്കോട്ടുംപാടം ജി.എച്ച്.എസ്.എസില്‍ 28,29 തിയതികളിലും നടക്കും. വോളിബോള്‍, ഫുട്‌ബോള്‍, തൈക്വാണ്ടോ, നീന്തല്‍, ഗുസ്തി, ബാറ്റ്മിന്റണ്‍  മത്സരങ്ങള്‍  28നും, അത്‌ലറ്റിക്‌സ് ഇനങ്ങള്‍ 29നും നടത്തും. പങ്കെടുക്കാനാഗ്രഹിക്കുന്നവര്‍ പഞ്ചായത്ത് ഓഫിസുകളില്‍നിന്ന് എലിജിബിലിറ്റി സര്‍ട്ടിഫിക്കറ്റ് ഹാജരാക്കണം.