മലപ്പുറം: അംഗത്തിന്റെ രാജിയെ തുടര്‍ന്ന് ഒഴിവുവന്ന അരീക്കോട് ഗ്രാമപഞ്ചായത്തിലെ താഴത്തങ്ങാടി വാര്‍ഡില്‍ ഉപതെരഞ്ഞെടുപ്പ് നടത്തുന്നതിനുള്ള കരട് വോട്ടര്‍പട്ടിക പ്രസിദ്ധീകരിച്ചു. 2017 ജനുവരി ഒന്നിന് 18 തികയുന്നവരെ ഉള്‍പ്പെടുത്തിയുള്ള പട്ടിക ഗ്രാമപഞ്ചായത്ത് ഓഫിസിലും ഏറനാട് താലൂക്ക് ഓഫിസിലും പരിശോധനയ്ക്കു ലഭിക്കും. ജനുവരി ഏഴുവരെ അവകാശവാദങ്ങളും അക്ഷേപങ്ങളും സ്വീകരിക്കും. ജനുവരി 20ന് അന്തിമ വോട്ടര്‍പട്ടിക പ്രസിദ്ധീകരിക്കും. കരട് പട്ടിക പ്രസിദ്ധീകരിക്കുന്നതുമായി ബന്ധപ്പെട്ട യോഗത്തില്‍ ഇലക്ഷന്‍ ഡെപ്യൂട്ടി കലക്ടര്‍ വി. രാമചന്ദ്രന്‍ അധ്യക്ഷനായി.