കരുളായി: വേനല്‍ പിറന്നതോടെ കാട്ടാനകള്‍ നാട്ടിന്‍പുറങ്ങളിലേക്കെത്തുന്നു. ഭക്ഷണം തോടിയെത്തുന്ന കാട്ടാനകള്‍ വ്യാപകമായി കൃഷി നശിപ്പിച്ചാണ് മടങ്ങുന്നത്. കഴിഞ്ഞ ദിവസം രാത്രി മൂത്തേടം പൂളക്കപ്പാറയിലെത്തിയ കാട്ടാന കൂളീരി അബ്ബാസിന്റെ നൂറോളം നേന്ത്രവാഴകള്‍ നശിപ്പിക്കുകയും ഭക്ഷിക്കുകയും ചെയ്താണ് മടങ്ങിയത്.
വിളവെടുക്കാന്‍ ഒരു മാസംമാത്രം ശേഷിക്കേയാണ് ആനകള്‍ നൂറോളം മുരട് വാഴ നശിപ്പിച്ചത്. കടുത്ത വേനലായതിനാല്‍ വെള്ളം ചുമാടായി എത്തിച്ചാണ് ഇദ്ദേഹം കൃഷി പരിപ്പാലിച്ചിരുന്നത്. കൂടാതെ ബാങ്കില്‍നിന്നു ലോണെടുത്തും സ്ഥലം പാട്ടത്തിനെടുത്തുമായിരുന്നു കൃഷി. മുപ്പതിനായിരത്തോളം രൂപയുടെ നഷ്ടമാണ് കണക്കാക്കുന്നത്.