തിരൂര്‍:  തുഞ്ചന്‍ മെമ്മോറിയല്‍ ഗവ കോളജ് എന്‍.എസ്.എസ് യൂനിറ്റും വെട്ടം പഞ്ചായത്തും സംയുക്തമായി സംഘടിപ്പിക്കുന്ന ' സര്‍വ്വോദയം' ശാന്തി ഗ്രാമം പദ്ധതി 26ന് വെട്ടം ശാന്തി സ്‌പെഷല്‍ സ്‌കൂളില്‍ തുടങ്ങും.  ഒരു വര്‍ഷം നീണ്ടുനില്‍ക്കുന്ന പരിസ്ഥിതി സൗഹൃദ സാമൂഹിക വൈജ്ഞാനിക സമഗ്ര വികസന പദ്ധതികളാണ് പഞ്ചായത്തിലെ പത്താം വാര്‍ഡില്‍ നടപ്പാക്കാന്‍ തീരുമാനിച്ചിരിക്കുന്നത്.
പദ്ധതികളുടെ പ്രാരംഭ പ്രവര്‍ത്തനങ്ങളുടെ ഭാഗമായി സാമൂഹിക , സാമ്പത്തിക ആരോഗ്യ സര്‍വേ  27ന് നടക്കും. മാലിന്യമുക്ത ഗ്രാമം, കാഷ് ലെസ് വില്ലേജ്, ലഹരിമുക്ത ഗ്രാമം, വീടുകളില്‍ സാന്ത്വന പരിചരണം, ജൈവ പച്ചക്കറി കൃഷി, ഇ-സാക്ഷരത, സംരഭകത്വ പരിശീലനം, മഴവെള്ള സംഭരണി, നൈപുണ്യ വികസന ബോധവല്‍ക്കരണ സദസുകള്‍ തുടങ്ങിയ പരിപാടികളാണ് ' സര്‍വോദയം'  ശാന്തിഗ്രാമം പദ്ധതിയിലൂടെ ലക്ഷ്യമിടുന്നത്. പദ്ധതിയുടെ ലോഗോ പ്രകാശനം സി. മമ്മൂട്ടി എം.എല്‍.എ നിര്‍വഹിച്ചു.
സപ്തദിന ക്യാംപിന്റെയും സര്‍വ്വോദയം പദ്ധതിയുടെയും 26ന് രാവിലെ 11ന് തിരൂര്‍ ബ്ലോക്ക് പ്രസിഡന്റ് ആര്‍.കെ ഹഫ്‌സത്ത് നിര്‍വ്വഹിക്കും.
കോളജ് പ്രിന്‍സിപ്പല്‍ വിജു നായരങ്ങാടി അധ്യക്ഷനാകും.