മട്ടന്നൂര്‍: മട്ടന്നൂര്‍ നഗരസഭയുടെ വിവിധ പദ്ധതികളുടെ ഉദ്ഘാടനം ഇന്ന് നടക്കും. വൈകുന്നേരം 3.30ന് പൊറോറ കരിത്തൂര്‍പറമ്പില്‍ നിദ്രാലയം എന്ന പേരില്‍ നിര്‍മിച്ച വാതകശ്മശാനത്തിന്റെ ഉദ്ഘാടനം മന്ത്രി കെ.കെ ശൈലജ ഉദ്ഘാടനം ചെയ്യും. ഉരുവച്ചാലില്‍ നിര്‍മിച്ച വനിത ഹോസ്റ്റല്‍,പഴശ്ശി ഗവ. എല്‍.പി സ്‌കൂള്‍ പുതിയ കെട്ടിടത്തിന്റെ ഉദ്ഘാടനവും മന്ത്രി നിര്‍വ്വഹിക്കും. പ്ലാസ്റ്റിക്ക് ഷെഡിങ് യൂണിറ്റും ബയോഗ്യാസ് പ്ലാന്റും ജില്ലാ കലക്ടര്‍ മിര്‍ മുഹമ്മദലി നിര്‍വഹിക്കും.
നഗരസഭ ചെയര്‍മാന്‍ കെ ഭാസ്‌കരന്‍ അധ്യക്ഷനാവും. പരിപാടികളില്‍ മുന്‍ നഗരസഭ ചെയര്‍മാന്‍, കൗണ്‍സിലര്‍മാര്‍ രാഷ്ട്രീയ പാര്‍ട്ടി പ്രതിനിധികള്‍ എന്നിവര്‍ സംസാരിക്കും.