പാലക്കാട്: 'ഗദ്ദിക 2016' നാടന്‍ കലാ-പ്രദര്‍ശന-വിപണന മേളയില്‍ ഇന്ന് നടക്കുന്ന സാംസ്‌കാരിക സായാഹ്നം വൈകീട്ട് 5.30ന്  തൊഴില്‍ സംരഭകത്വവും ഗ്രാമീണ വ്യവസായ വികസനവും വിഷയം അവതരിപ്പിച്ചുകൊണ്ട് വ്യവസായ വകുപ്പ് മന്ത്രി എ.സി. മൊയ്തീന്‍  ഉദ്ഘാടനം ചെയ്യും. കെ.വി. വിജയദാസ് എം.എല്‍.എ അധ്യക്ഷനാവും.  
വൈകിട്ട് 6.30 മുതല്‍ ഏഴു വരെ കുമാരനും സംഘവും അവതരിപ്പിക്കുന്ന ചിമ്മാനകളി, ഏഴു മുതല്‍ 7.30 വരെ നാഗകാളി വെള്ളാട്ട് തിറ, 7.30 മുതല്‍ എട്ടു വരെ  കൃഷ്ണദാസ് അവതരിപ്പിക്കുന്ന വട്ടക്കളി (വെട്ടക്കുറുമന്‍), എട്ട് മുതല്‍ 10 വരെ നാടകം അടിയത്തമ്പുരാട്ടി നടക്കും.