കോഴിക്കോട് :എസ്.കെ.എസ്.എസ്.എഫ് സംസ്ഥാന കമ്മറ്റിയുടെ ആഭിമുഖ്യത്തില്‍ നടത്തപ്പെടുന്ന ലീഡേഴ്സ് കാരവന്റെ ഉദ്ഘാടനം തിരുാവായ എടക്കുളം ശാഖാ കമ്മറ്റിയുടെ സര്‍വ്വേ ഫോറങ്ങള്‍ ഏറ്റുവാങ്ങിക്കൊണ്ട് പാണക്കാട് സയ്യിദ് അബ്ബാസലി ശിഹാബ് തങ്ങള്‍ നിര്‍വഹിച്ചു .

ഡിസംബര്‍ 27 മുതല്‍ 2017 ജനുവരി ഒന്ന് തിയ്യതികളില്‍ സംസ്ഥാനത്തെ ക്‌ളസ്റ്റര്‍ കേന്ദ്രങ്ങളിലാണ് സംസ്ഥാന ,ജില്ലാ ഭാരവാഹികള്‍ നയിക്കുന്ന കാരവന്‍ നടക്കുന്നത്.

മദീന പാഷന്‍ പ്രൊജക്റ്റ് ,സത്യധാര,സോഷ്യല്‍ സര്‍വ്വേ,സംഘടനാ അദാലത്ത് ,വിഭവ സമാഹരണം എന്നിവ ഉള്‍കൊള്ളുന്ന കാരവന്റെ വിജയത്തിനായി 150 മേഖലകളും 600 ക്‌ളസ്റ്ററുകളും 5000 യൂണിറ്റുകളും തയ്യാറെടുപ്പുകള്‍ പൂര്‍ത്തിയാക്കിയിരിക്കുകയാണ്.

രാജ്യരക്ഷക്കും പ്രവാചകാധ്യാപനങ്ങള്‍ക്കും മുന്‍ഗണന നല്‍കുന്ന വിദ്യാര്‍ത്ഥി യുവ സമൂഹത്തിന്റെ നവജാഗരണം ലക്ഷ്യമിട്ട് നടത്തുന്ന കാരവന്‍ സംസ്ഥാനത്ത് 25 ടീമുകളായാണ് വിന്യസിച്ചിട്ടുള്ളത്.

പാണക്കാട് വെച്ചു നടന്ന ഉദ്ഘാടന സംഗമത്തില്‍ സംസ്ഥാന സെക്രട്ടറി സത്താര്‍ പന്തല്ലൂര്‍ അധ്യക്ഷത വഹിച്ചു .റശീദ് ഫൈസി വെള്ളായിക്കോട് ,വി .കെ ഹാറൂ റശീദ് മാസ്റ്റര്‍,ആഷിഖ് കുഴിപ്പുറം,കെ .സല്‍മാന്‍ മാസ്റ്റര്‍ പല്ലാര്‍ ,പി .മുഹമ്മദ് റാഷിദ് എടക്കുളം,ഇ .പി ഖമറുദ്ധീന്‍ ,തേക്കില്‍ ജാഫര്‍ ,സി.കെ മുനവ്വിര്‍ എന്നിവര്‍ സംസാരിച്ചു .