കൂറ്റനാട്: ബൈക്കില്‍ വീട്ടിലെത്തിയ യുവാവ് വീട്ടമ്മയെ തോക്കുചൂണ്ടി ഭീഷണിപ്പെടുത്തി ആഭരണങ്ങള്‍ മോഷ്ടിക്കാന്‍ ശ്രമിച്ചെന്നു പരാതി. കൂറ്റനാട് തണ്ണീര്‍ക്കോട് റോഡില്‍ ആലപ്പറമ്പില്‍ അമ്മച്ചീട്ടുവളപ്പില്‍ മാനുവിന്റെ വീട്ടില്‍ ബുധനാഴ്ച ഉച്ചയ്ക്കു രണ്ടയ്ക്കാണ് സംഭവം.
തൃത്താല പൊലിസില്‍ നല്‍കിയപരാതിയുടെ അടിസ്ഥാനത്തില്‍ പൊലിസ് അന്വേഷണം തുടങ്ങി. കൂറ്റനാട് കട നടത്തുന്ന മാനു വീട്ടില്‍നിന്നും കടയിലേക്ക് പോയ സമയത്താണ് വീടിന്റെ ഗെയ്റ്റ് തുറന്ന് ഒരാള്‍ വരുകയും ആഭരണങ്ങള്‍ ആവശ്യപ്പെടുകയും ചെയ്തു. ഇവിടെ ആഭരണങ്ങള്‍ ഇല്ലന്നു പറഞ്ഞപ്പോള്‍ യുവാവ് പോക്കറ്റില്‍നിന്നും തോക്കെടുത്തു വീട്ടമ്മയ്ക്കു നേരെ ചൂണ്ടുകയും ചെയ്തു. ശബ്ദം വെച്ചപ്പോള്‍ അയല്‍വാസികള്‍ ഓടിക്കുടുകയും യുവാവ് കടന്നു കളയുകയും ചെയ്തു.