കാരകുറിശ്ശി: കോരമണ്‍കടവില്‍ ദാറുത്തഖ്‌വ യതീംഖാനയില്‍ നാലു യുവതികള്‍കൂടി നാളെ വിവാഹിതരാകും.
കള്ളമല പുതുവീട്ടില്‍ പരേതനായ ഉസ്മാന്റെ മകള്‍ ആമിനയെ കോട്ടക്കല്‍ കൈപുറത്തുവീട്ടില്‍ ബഷീര്‍ ഹാജി മകന്‍ ആരിഫും, കള്ളമല നാലകത്ത് സുലൈമാന്റെ മകള്‍ റംഷീനയെ കല്ലാംകുഴി പാലക്കാപറമ്പില്‍ അബ്ദുകുട്ടി മകന്‍ അനസും, കല്‍ക്കണ്ടി പടുവില്‍ വീട്ടില്‍ ഷൗക്കത്തിന്റെ മകള്‍ ഫസീലയെ കോളപാകം പുളിക്കല്‍ വീട്ടില്‍ അബ്ദുറഹ്മാന്റെ മകന്‍ റാഷിദും, കല്‍ക്കണ്ടി പടുവില്‍ വീട്ടില്‍ മുഹമ്മദാലിയുടെ മകള്‍ ആയിഷാ ബീഗത്തെ കൂമന്‍ചീരികുന്ന് സ്രാമ്പിക്കല്‍ വീട്ടില്‍ യൂസഫ് ഹാജിയുടെ മകന്‍ ജുനൈസുമാണ് ജീവിതസഖിയാക്കുന്നത്. ഇതിനകം 42 യുവതികള്‍ ഇവിടെ വിവാഹിതരായിട്ടുണ്ട്.
തിങ്കളാഴ്ച്ച ഉച്ചയ്ക്ക് ഒരുമണിക്ക് പാണക്കാട് സാദിക്കലി ശിഹാബ് തങ്ങള്‍ നിക്കാഹിന് കാര്‍മികത്വം വഹിക്കും. പി.കെ ഇമ്പിച്ചിക്കോയ തങ്ങള്‍, കുഞ്ഞിക്കോയ തങ്ങള്‍, സൈയ്തലവിക്കോയ തങ്ങള്‍, സി.കെ. എം സാദിഖ് മുസ്‌ലിയാര്‍, കെ.സി അബൂബക്കര്‍ ദാരിമി, സി.പി ബാപ്പു മുസ്‌ലിയാര്‍, മുഹമ്മദാലി ഫൈസി, ഹബീബ് ഫൈസി കോട്ടോപ്പാടം, മുസ്തഫ അഷ്‌റഫലി, ഷമീര്‍ ഫൈസി തുടങ്ങി പ്രമുഖര്‍ പങ്കെടുക്കും.