മൂന്നാര്‍: കര്‍ണ്ണാടക സ്വദേശികളായ വിനോദസഞ്ചാരികള്‍ സഞ്ചരിച്ചിരുന്ന വാഹനങ്ങള്‍ തമ്മില്‍ കൂട്ടിയിടിച്ച് ആറു പേര്‍ക്ക് പരുക്കേറ്റു.
ബംഗലുരു സ്വദേശികളായ മാല ( 45 ), മഹേശ്വര്‍ ( 25 ), ഇസ്രത്ത് ഉന്‍ ഹിസ( 49 ), സെയ്ദ് വസീം ( 30 ), അസ്ഹാന്‍ ( 25 ), നബിസ( 45 ) എന്നിവരാണ് പരുക്കേറ്റ് ടാറ്റാ ടീ ജനറല്‍ ആശുപത്രിയില്‍ ചികിത്സയില്‍ കഴിയുന്നത്. ഇന്നലെ രാവിലെ ഏഴുമണിക്ക്, മറയൂര്‍ റൂട്ടില്‍ കന്നിമലയക്കു സമീപത്തുവച്ചാണ് ഇരു വാഹനങ്ങളും നേര്‍ക്കുനേര്‍ ഇടിച്ചത്.
അപകടത്തില്‍ പരുക്കേറ്റു കിടന്ന ഇവരെ ഇതുവഴി എത്തിയ മറ്റു വാഹനങ്ങളില്‍ ഉണ്ടായിരുന്നവരാണ് ആശുപത്രിയില്‍ എത്തിച്ചത്.