അമ്പലപ്പുഴ: സ്‌കൂട്ടറിന് പിന്നില്‍ ടാങ്കര്‍ ലോറി ഇടിച്ച് ദമ്പതികള്‍ക്ക് പരുക്കേറ്റു. മൂന്നു മാസം പ്രായമുള്ള കുട്ടി അത്ഭുതകരമായി രക്ഷപ്പെട്ടു.
ആര്യാട് പഞ്ചായത്ത് തലവടി കൊച്ചുമാതിരം വെളി വീട്ടില്‍ രജി (40), ഭാര്യ രതി (36) എന്നിവരെ വണ്ടാനം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
ഇന്നലെ ഉച്ചക്ക് ദേശീയപാതയില്‍ പുന്നപ്ര പറവൂര്‍ ജങ്ഷനിലായിരുന്നു അപകടം. ആലപ്പുഴയില്‍നിന്നും വരുകയായിരുന്ന സ്‌കൂട്ടറിനു പിന്നില്‍ ഇതേ ദിശയില്‍ വന്ന ടാങ്കര്‍ ലോറി ഇടിക്കുകയായിരുന്നു. പുന്നപ്ര പൊലിസിന്റെ നേതൃത്വത്തില്‍ മേല്‍നടപടികള്‍ സ്വീകരിച്ചു.