കഠിനംകുളം: ജില്ലാ പഞ്ചായത്ത് കേരളോത്സവത്തിന് നാളെ കണിയാപുരത്ത് തിരി തെളിയും. 26, 27 തീയതികളില്‍കണിയാപുരത്തും പരിസര പ്രദേശങ്ങളിലുമുള്ള ആറ് വേദികളിലാണ് കേരളോത്സവം നടക്കുന്നത്.
നാളെ രാവിലെ 10 മണിക്ക് കണിയാപുരം ഗവ.: യു വി എസ്സില്‍ വച്ച് നടക്കുന്ന ചടങ്ങില്‍ മന്ത്രി കടകംപള്ളി സുരേന്ദ്രന്‍ ഉദ്ഘാടനം നിര്‍വഹിക്കും. ജില്ലാപഞ്ചായത്ത് പ്രസിഡന്റ് വി.കെ.മധു അധ്യക്ഷനാകും. മേയര്‍ വി.കെ.പ്രശാന്ത് മുഖ്യാതിഥിയാകും. കബഡി, ചെസ്സ്, ബാസ്‌ക്കറ്റ് ബോള്‍,ഷട്ടില്‍, കളരിപ്പയറ്റ്, ക്രിക്കറ്റ്, നീന്തല്‍, പഞ്ചഗുസ്തി,അത്റ്റലിക്ക് മത്സരങ്ങള്‍ക്ക് വേദിയാകുന്നത് കാര്യവട്ടത്തെ എല്‍.എന്‍.സി.പി.ഇ സ്റ്റേഡിയമാണ്. ഫുട്‌ബോള്‍ മര്യനാട് ഗ്രൗണ്ടിലും വോളിബോള്‍ ചേരമാന്‍ തുരുത്ത് എല്‍.പി.എസ് ഗ്രൗണ്ടിലും ആര്‍ച്ചറി സെന്‍ട്രല്‍ സ്റ്റേഡിയത്തിലും വടംവലി പള്ളിപ്പുറം വില്ലേജ് ഓഫിസിന് മുന്നിലും കലാമത്സരങ്ങള്‍ കണിയാപുരം ഗവ: യു പി എസ്സിലും അണ്ടൂര്‍ക്കോണം ഗ്രാമപ്പഞ്ചായത്ത് ഹാളിലുമായും നടക്കും.